Mashy.com Blog Beta

                         توبة النفس                                       

ايا توبه النفس ترجعين ...ايا حلمى اياكى اهتدين....!!؟

ايا طيب جنه الخلد والنعيم التى اياها تتوقين ...

ايا بئس جهنم التى منها تعوذين بوجه رب كريم واليه كنتى تدعين!!

ايا ربى تتوب على ايا مالكى تغفر الى !!؟

فلقد تخطت زنوبى الجبال وزاد همى عندما تذكرت بلال ...وعمر...وابا بكر ..والنبى صلى الله عليه وسلم ...

رسول الله بشرنا الرساله فما اهتدينا الا من بعد الضلاله ...

فيا رب سترك وتخفيفك عنا من هول يوم عظيم ..

ايا نفسى..كيف تعجلين المنى ..فوالله انى اراكى فى النار تحترقين لولا رحمه ربى ما دخلت الجنه ولو بعد حين ....فتوبى توبه بعدها لا تبتئسين ..واستغفرى لزنوبك ان الله غفور رحيم ...

اللهم استرها معنا فوق الأرض وتحت الأرض ويوم العرض عليك                                                                   تحياتى للجميع سومه 

وسع المشهور وصل 

  معلش انا مش حقدر اكمل المذكرات مش لحاجه محدده بس مش لاقيه نفسى وانابكتبهالكم معلش خيرها فى غيرها ...!!؟؟

انا حتكلم على ظاهره عجيبه جدا ظاهره البودى جارد ..!!؟؟الواحد كان فاكر ان السياسيين والرقاصات هم اللى وراهم بودى جارد لكن توصل للمغنيين والممثلين ...!!!؟؟لما مغنى يطلع على المسرح ووراه ييجى 10000او ممكن نقول عدد لا نهائى من البودى جاردات دا تبقى اعجب منظر حسسنى انه يبقى تامر حسنى مبارك...!!؟ هههههههه ما علينا يمكن يطلع فعلا قريبه واروح انا فى دوكه مجتش على دا بس دا فى منه كتيير قوى مش اول واحد يمشى ببودى جارد ولا الاخر بس انا عاوزه اسال سؤال...؟ هو احنا فعلا بقيت البلطجه فى دمنا؟؟ يعنى المشاهير يمشوا ببودى جاردات وحراسه خايفين من عامه الشعب ليضربوهم ..!!!؟؟؟

طب محدش فيهم سال نفسه حتى لو الشعب بقى بلطجيه وبيهاجموا الناس دى ليه هم بيعملوا كدا !!!؟؟

انا اقولكم ليه لما واحد يركب عربيه بملايين وواحد بياكل بملاليم دا يبقى اسمه ايه !!!؟؟؟

طيب تعرفوا ان فى شخصيه استضافتها اوبرا والشخصيه دى رجل غنى من السود فى امريكا وجد ان اهله فقراء وانهم مش واخدين حقهم فوعد نفسه انه حيخرج من الفقر دا وحيرفع اهله معاه وبالفعل اصبح هذا الرجل غنى جدااااا ما شاء الله وكفل اكتر من 100 اسره من الحى بتاعه وعمل مدرسه للسود فى الحى وبيعلمهم تعليم زيه زى الاجانب الطبيعين وبدا يساعد الشباب واهل هذا الحى الفقير وصلح المبانى ....الخ  وغيره من الاعمال الجيده اللى رفع بيها مجتمعه...!؟؟

اعتقد ان دا كان عندنا فى الاسلام واسمه تكافل !!؟؟والاجانب بيطبقوه واحنا لالا!!؟؟

انا مش بقول متركبوش عربيات ولا متسكنوش قصور بس مطلوب من الفئه دى انهم على الاقل يساعدوا الناس اللى تحت مادامت حكومتنا مش قادره تكفل لشعبها حياه كريمه او على الاقل حياه ترقى لأن بنى ادمين يعيشوها... اركب عربيه بمليون واتنين بس متنساش اللى ماشى على رجله مش قصدى تديله فلوس بس شغله اديله سناره ومتديلوش سمكه ...!!؟؟؟

دى مش دعوه تخص الغنى بس دى كمان بتخص المتوسط فى الدخل بمعنى متنساش الزكاه اللى مبقيناش نطلعها الزكاه اللى قامت عليها حروب زمان ايام ابو بكر الصديق (رضى الله عنه وارضاه) لما رفضت بعض الفئات دفعها..!!؟ احنا بقينا بننساها وبنستهتر بيها !!؟؟؟

طاب يا اخى وفر فلوس البودى جارد واديها لواحد غلبان ولا اعمله مشروع يتقوت منه بدل ما نمشى ورانا بلطجيه ونخاف من بعض وندبح فى بعض نعمل الشىء الصح المظبوط اللى المفروض يتعمل ونخف شويه ونبطل نستفز الناس  ولا ايه ..!!؟؟

بقولكم ايه على ما يحصل الكلام دا انا حقوم اتعلملى حركتين بوكس وكاراتيه علشان لو حد اتعرضلى ادغدغه .! او اروح اشتغل بودى جارد..!!!؟؟ ما هى بلطجه وماشيه بالدراع

تحياتى ليكم سومه

ياما فى الحبس مظاليم                 

       بسم الله الرحمن الرحيم                   

خلاص يا سى تيفا ولا تزعل عك وربك يفك وبجمله العك …خد عندك……………امبارح قابلنا بنت فى الشات وكان عندها موضوع عن المعتقلين فى السجون بس طبعا البنت كانت مرعوبه ومرضيتش تنزل الموضوع ام ايه بقى سى تيفا متضدايق علشان موضوعه ماشى يا عم ولا يهمك خد الانقح عندك وربنا يستر على الجميع …….وان شاء الله تنزل ميت صوره ياله معدتش تفرق ………!!!؟؟؟ على راى عمو صالح رياااااااااااااااان يا فجل ….!!؟؟

تعرفوا احنا عندنا كام معتقل فى السجون المصريه اللى محدش يعرف عنها حاجه اكثر من عشره الاف معتقل يجهل عنهم اهاليهم او اى حد اين هم !!؟؟ ينزل الواحد من دول يصلى الفجر وانسى تشوفه تانى حتى بتاع الفول والطعميه اللى تحتنا معتقهوش كان بيصلى الفجر وامه حتى الان لا تعلم عنه شىء الله يرحمه مطرح ما هو دلوقتى  وربنا يرحمنى مطرح ما حكون وانتم بتقرا الرساله يا كتاكيت دى حتت من مقالات حوريهالكم بعدين حعقب عليها:

الحمد لله يعنى الناس اللى معتقلين ثلاثه ارباعهم تيارات اسلاميه وناس مظلومين كل زنبهم الصلاه طيب يا ريت محدش يصلى اليومين دول ممكن كمان نلبس بدل رقص وننزل فى الشوارع ونعمل نيولوك  وبكدا نعجب الحكومه !؟

اما بقى الناس اللى بتطالب وتحلم بالغاء المعتقلات فانا بقولهم احلموا يا غلابا الحلم عمره ما كان بفلوس.....!!؟؟

خدوا عندكم دا كمان حتى القضاه اللى المفروض سلطتهم لا تخضع للسلطه التنفيذيه  او اى سلطه من شانها تمنع الحق والعدل قفشناهم وبهدلناهم واعتقلناهم:

خدوا عندكم اللينك دا علشان تعرفوا الاخوان بيتبهدلوا ازاى والمدونين واى حد يقول كلمه الحق فى البلد دى اعتقد ان الكلام والاغانى لا تكفى لوصف الدموع واى آلام واى بهدله شافها الغلابا دول ومنهم  المدون الشهير عبد المنعم محمود:

 http://www.ikhwanonline.org/SectionsPage.asp?SectionID=120

http://www.ikhwanonline.org/Article.asp?ID=27804&SectionID=120

ونهايتا اقول كلمتى لماذا !!؟؟؟ لماذا نعتقل الكلمه ونحتجز الطيور انا لست تابعه لاحد ولا احد تابع لاحد كلنا نتبع سنه الله ورسوله ونتبع وطنيتنا وعروبتنا ولا نحب ان يستهين احدا بكرامتنا نحن نرفض السكوت والى متى السكوت وماذا ننتظر .........

.كلمه لسيدى الرئيس :

 

 

سيدى الرئيس لماذا المعتقلات.. لماذا السجون..!؟ الم تقل اننا ابنائك الم تعدنا بالحريه والديمقراطيه فاين الديمقراطيه واين الحريه..!!؟ نحن لم نخلق عبيدا وانت لم تخلق ملكا او رئيسا بل كلنا بشر جميعنا بشر نخطىء ونصيب وهل من الخطأ ان نقول كلمه الحق ....!!؟؟ ناقشنا كلمنا واعترض على كلماتنا فاذا كنتم تقولون عنا شباب طائش لانفهم شيءمن المفروض ...انتم الكبار تفهمونا خطأنا بالحوار الناضج السليم افهمونا ماذا نفعل علمونا كيف تكون الكلمه الحره...... لكن لا تعلمونا كيف نحبس هذه الكلمه وننساها ..!!؟؟

احب ان اقول لك ان ظباط الشرطه والحكومه بدلا من ان تكون فى خدمه الشعب اصبحت خدمه لاهانه الشعب واضطهاده واسكاته بشتى الطرق وبكل السبل...!! بدلا من ان نغلق ابوابنا فى سكينه وامان نغلقها ليفتحها الشرطه وتنتهك حرمات البيوت ..!!؟لم تعد ابوابنا تؤمننا من الغدر ولم تعد حكومتنا تنصفنا او تحمينا ....!!؟؟؟

شكرا لسيادتكم ان كنت تقرأ رسالتى..........!؟ وتذكروا وانتم تقراونها انى من الممكن ان اكون فى احد هذه المتعقلات او فى غيابات السجون لكن كلمه الحق تعلوا ولا يعلو عليها  وان ينصركم الله فلا غالب لكم

واتمنى من قلبى ان كل المعتقلين ربنا يتولاهم برحمته ويرفع عنهم ويكفيهم شر الغربان ام دبابير ونجوم ويفك كربهم وحبسهم.. وحسبنا.. الله هو خير حافظ وهو نعم الوكيل ..!!؟ !؟ انا حقوم البس هدومى وانتظر السيارات الجيب او البوكس ومتنسوش على راى واحد صاحبنا تجيبولى لاب توب علشان اراسلكم من هناك.... اما الطعام فأنا متأكده انهم هناك حيكرمونى اكبر كرم ...كرم من اللى يحبو قلبك  ...علق بقى وضرب على ودنه وانا مع اول قلم حكر كل اسامى المدونين.........!!!؟؟؟

على الله توكلنا هو نعم المولى ونعم النصير

تحياتى للجميع اختكم سومه

ارجوك لا تتردد ايها القلب فلكم سئمت  من هذا الحب

فلقد اصاب الجسد العليل واصبح حبك منبع الالم الجليل

اهواك ....نعم اهواك وليس لك فى القلب مثيل ..............لن اعود ....نعم لن اعود وليس لك عندى بديل

لن اعود لأنى عرفت كيف يفقد الانسان كل معانى الكرامه فى حبك كل ان وكل ليل

لن اعود لأنى اعطيتك مالا تستحق من الحب ومن الاشواق ومن كل تضحيه وكل جميل

كاذب انت والكذب منك ماكن ودليلك الكره........حطمت كل معنى للحب الجميل

مع هذا عشقت حبك وتلمست نهارك وسهرت ليلك اغزل اناشيدا للحب لشخص لا يستحق الا كل بغض

انت لست مثلهم فى القلب ولن تكون مثلهم لكنك لن تعود مثلما كنت قديما ولن يكون لك بقلبى مكان ثانيتا

احرقت كل الشموع الباقيه لم يعد سوى ظلام هذا الحب واطلاله الراسيه .....اعتذر ...اعتذر انى اضعت وقتك الثمين وكنت فى كل ان تتلاعب بمشاعرى

وجئت تطلب منى الصفح وتطلب منى الرجوع اليك وتطلب المزيد 

لا اريدك ثانيتا لن احبك ولن اعود للالم والعليل فوداعا ايها الحب الجميل